MY Harry was a gallant gay,
Fu' stately strade he on the plain;
But now he's banish'd far away,
I'll never see him back again.
Chorus.-O for him back again!
O for him back again!
I wad gie a' Knockhaspie's land
For Highland Harry back again.
When a' the lave gae to their bed,
I wander dowie up the glen;
I set me down and greet my fill,
And aye I wish him back again.
O for him, &c.
O were some villains hangit high,
And ilka body had their ain!
Then I might see the joyfu' sight,
My Highland Harry back again.
O for him, &c.
Song-highland Harry Back Again
Robert Burns
(1)
Poem topics: away, never, plain, high, body, chorus, Print This Poem , Rhyme Scheme
Submit Spanish Translation
Submit German Translation
Submit French Translation