'TWAS on a Monday morning,
Right early in the year,
That Charlie came to our town,
The young Chevalier.
Chorus.-An' Charlie, he's my darling,
My darling, my darling,
Charlie, he's my darling,
The young Chevalier.
As he was walking up the street,
The city for to view,
O there he spied a bonie lass
The window looking through,
An' Charlie, &c.
Sae light's he jumped up the stair,
And tirl'd at the pin;
And wha sae ready as hersel'
To let the laddie in.
An' Charlie, &c.
He set his Jenny on his knee,
All in his Highland dress;
For brawly weel he ken'd the way
To please a bonie lass.
An' Charlie, &c.
It's up yon heathery mountain,
An' down yon scroggie glen,
We daur na gang a milking,
For Charlie and his men,
An' Charlie, &c.
Song-charlie, He's My Darling
Robert Burns
(1)
Poem topics: city, light, ready, town, street, morning, mountain, early, year, view, walking, dress, window, chorus, monday, young, Print This Poem , Rhyme Scheme
Submit Spanish Translation
Submit German Translation
Submit French Translation