Primus Pastor
Haylle, comly and clene! Haylle, yong child!
Haylle, maker, as I meyne, of a madn so mylde!
Thou has waryd, I weyne the warlo so wylde;
The fals gyler of teyn, now goys he begylde.
Lo, he merys;
Lo, he laghys, my swetyng,
A wel fare metyng,
I have holden my hetyng;
Have a bob of cherys.
Secundus Pastor
Haylle, sufferan savyoure! for thou has us soght;
Haylle, frely foyde and floure that all thyng has wroght!
Haylle, full of favoure that made all of noght!
Haylle! I kneyll and I cowre. A byrd haue I broght
To my barne.
Haylle, lytylle tyne mop!
Of oure crede thou art crop;
I wold drynk on thy cop,
Lytyll day starne.
Tertius Pastor
Haylle, derlyng dere, full of godhede!
I pray the be nere when that I have nede.
Haylle! swete is thy chere! my hert wold blede
To se the sytt here in so poore wede,
With no pennys.
Haylle! put furth thy dalle!
I bryng the bot a balle:
Have a play the with-alle,
And go to the tenys.
Towneley Plays. The Shepherds' Play, Ii.
Anonymous Olde English
(1)
Poem topics: child, pray, play, Valentine's Day, Print This Poem , Rhyme Scheme
Submit Spanish Translation
Submit German Translation
Submit French Translation
Write your comment about Towneley Plays. The Shepherds' Play, Ii. poem by Anonymous Olde English
Best Poems of Anonymous Olde English