Poet Isabella Valancy Crawford



Poems Comments

My Ain Bonnie Lass O' The Glen.

Ae blink o' the bonnie new mune,
Ay tinted as sune as she's seen,
Wad licht me to Meg frae the toun,
Tho' mony the brae-side between:
Ae fuff o' the saftest o' win's,
As wilyart it kisses the thorn,
Wad blaw me o'er knaggies an' linns--
To Meg by the side o' the burn!

My daddie's a laird wi' a ha';
My mither had kin at the court;
I maunna gang wooin' ava'--
Or any sic frolicsome sport.
Gin I'd wed--there's a winnock kept bye;
Wi' bodies an' gear i' her loof--
Gin ony tak her an' her kye,
Hell glunsh at himsel' for a coof!

My daddie's na doylt, tho' he's auld,
The winnock is pawkie an' gleg;
When the lammies are pit i' the fauld,
They're fear'd that I'm aff to my Meg.
My mither sits spinnin'--ae blink
O' a smile in her kind, bonnie 'ee;
She's minded o' mony a link
She, stowlins, took o'er the lea

To meet wi' my daddie himsel'
Tentie jinkin' by lea an' by shaw;
She fu's up his pipe then hersel',
So I may steal cannie awa'.
O leeze me o' gowany swaird,
An' the blink o' the bonnie new mune!
An' the cowt stown out o' the yaird
That trots like a burnie in June!

My Meg she is waitin' abeigh--
Ilk spunkie that flits through the fen
Wad jealously lead me astray
Frae my ain bonnie lass o' the glen!
My forbears may groan i' the mools,
My daddie look dour an' din;
Wee Love is the callant wha rules,
An' my Meg is the wifie I'll win!



Poem topics: , , , ,

Rate this poem:

Add My Ain Bonnie Lass O' The Glen. poem to your favorites

Add Poet Isabella Valancy Crawford to your favorites

Popular Poets

Sam G. Goodrich (38 poems)
Padraic Colum (3 poems)
Drasimura Drasimura (0 poems)
Charles Sackville (1 poems)
Sheikh Zaues (0 poems)
Vachel Lindsay (183 poems)
Sir Arthur Quiller-Couch (1 poems)
Viggo Stuckenberg (133 poems)
H. D. (24 poems)
Sir Charles Sedley (5 poems)

Popular Poems

Pro Rege Nostro, by William Ernest Henley
Should you but fail atâ??Sea, by Emily Dickinson
Simplicity, by Robert William Service
To try to speak, and miss the way, by Emily Dickinson
The Symptoms Of Love, by William Cowper
Tis Sweet To Think, by Thomas Moore
On The Night Of A Friend's Wedding, by Edwin Arlington Robinson
Remember me, by William Percy French
A Song Of Singing, by James Whitcomb Riley
Alone In Crowds To Wander On, by Thomas Moore