O! can'le licht's baith braw and bricht
At e'en when bars are drawn,
But can'le licht's a dowie sicht
When dwinin' i' the dawn.
Yet dawn can bring nae wearier day
Than I hae dree'd yestre'en,
An' comin' day may licht my way-
Daylicht has mony een.
Noo, daylicht's fairly creepin' in,
I hear the auld cock craw;
Fu' aft I've banned him for his din,
An' wauk'nin' o' us a'!
But welcome noo's his lichtsome cry
Sin' bed-fast I ha'e been,
It tells anither nicht's gane by-
Daylicht has mony een.
O! bed-fast men are weary men,
Laid by frae a' their wark;
Hoo thocht can kill ye ne'er will ken
Till tholin' 't in the dark.
But ere nicht fa's I'll maybe see
What yet I hinna seen,
A land whaur mirk can never be-
Daylicht has mony een.
Daylicht Has Mony Een
David Rorie
(1)
Poem topics: dark, never, hear, bring, fast, Valentine's Day, dawn, Print This Poem , Rhyme Scheme
Submit Spanish Translation
Submit German Translation
Submit French Translation
Write your comment about Daylicht Has Mony Een poem by David Rorie
Best Poems of David Rorie