There's an ending o' the dance, and fair Morag's safe in France,
And the Clans they hae paid the lawing,
And the wuddy has her ain, and we twa are left alane,
Free o' Carlisle gaol in the dawing.
So ye'll tak the high road, and I'll tak the laigh road,
An' I'll be in Scotland before ye:
But me and my true love will never meet again,
By the bonnie, bonnie banks o' Loch Lomond.
For my love's heart brake in twa, when she kenned the Cause's fa',
And she sleeps where there's never nane shall waken,
Where the glen lies a' in wrack, wi' the houses toom and black,
And her father's ha's forsaken.
While there's heather on the hill shall my vengeance ne'er be
still,
While a bush hides the glint o' a gun, lad;
Wi' the men o' Sergeant Mor shall I work to pay the score,
Till I wither on the wuddy in the sun, lad!
So ye'll tak the high road, and I'll tak the laigh road,
An' I'll be in Scotland before ye:
But me and my true love will never meet again,
By the bonnie, bonnie banks o' Loch Lomond.
The Bonnie Banks O' Loch Lomond'1746
Andrew Lang
(1)
Poem topics: dance, father, heart, sun, work, score, black, true, high, never, love, I love you, Print This Poem , Rhyme Scheme
Submit Spanish Translation
Submit German Translation
Submit French Translation
Write your comment about The Bonnie Banks O' Loch Lomond'1746 poem by Andrew Lang
Best Poems of Andrew Lang